നക്ഷത്രവിളക്കുകള്‍

ജീവിതത്തില്‍നിന്നും അധ്യാപനത്തില്‍നിന്നും ആര്‍ജ്ജിച്ച അറിവുകള്‍ മുത്തുമണികള്‍ പോലെ കോറിയിട്ട ഈ ഗ്രന്ഥം അധ്യാപകര്‍ക്കും വിദ്യാര്‍ത്ഥികള്‍ക്കും വേണ്ടിയുള്ളതാണ്. പൊതുവായനയിലും ഈ പുസ്തകത്തിന് ഉയര്‍ന്ന തലമുണ്ട്. ആര്‍ജ്ജിത ഗുണങ്ങളോടെ എങ്ങിനെ ഒരു പുതിയ തലമുറയെ വാര്‍ത്തെടുക്കാം എന്ന ചിന്തയാകാം ഗ്രന്ഥകാരന് ഈ പുസ്തകത്തിനു പ്രചോദനമേകിയത്. താ‌ന്‍ ഉയര്‍ത്തിക്കൊണ്ടുവരുന്ന ജീവിതത്തിന് ദാരിദ്ര്യത്തിന്റെയും കണ്ണുനീരിന്റെയും പശ്ചാത്തലമുണ്ട് എന്ന് തുറന്നുപറയുന്നിടത്താണ് ഈ കൃതിയുടെ മഹത്ത്വം. യാതൊരുവിധ നാട്യങ്ങളുമില്ലാതെ നക്ഷത്രവിളക്കുകളുമേന്തിയ ഈ യാത്ര ജീവിതവിജയത്തിലേക്കുള്ള പാത കൂടിയാണ്.